行深水埗

前兩次同雋仔去深水埗，都無買開酒器。今日初八，帶佢行下新年伊始的深水埗，感受下平民的過年氣氛。一來到，先去賣手機殼的街鋪，搵下媽媽想換的「華為G7PLUS」的機殼，但只有一間有透明殼款。咁無買了，就行一會特賣城，然後就去雋雋最想去的西九龍中心九樓「奇趣天地」玩，他今次比上次幸運，玩遊戲得到差不多200票，令他開心不已。玩完就經基隆街過鴨寮街，去賣開酒器的擋攤，用100元買了一套四件的開酒器，雋雋不知幾想快去外婆家中試開酒。然後過返去手機殼的街鋪，因為媽媽話透明款照殺。最後去「椰汁大王」同雋雋飲杯細椰汁，佢真係唔想停口。落地鐵前，雋雋停下來眼定定欣賞一個姨姨介紹及示範如何用一部壺型的清潔器。佢真係對產品推介著迷了。